19 кастрычніка ксёндз канонік Францішак Рудзь, які як прадстаўнік Каталіцкага Касцёла бярэ ўдзел у адукацыйным праекце «Дыялог культур і рэлігій», сумесна са студэнтамі гістарычнага факультэта Беларускага дзяржаўнага ўніверсітэта наведаў праваслаўную парафію святога Мікалая Японскага ў Мінску.
Падчас візіту абмяркоўваліся пытанні ўзаемадзеяння Беларускай Праваслаўнай Царквы і Каталіцкага Касцёла ў Рэспубліцы Беларусь, а таксама важнасць міжканфесійнага дыялогу для падтрымання міру і згоды ў грамадстве.
Святар і студэнты наведалі парафіяльную царкву, дзе пазнаёміліся з гісторыяй і перспектывамі развіцця гэтай сталічнай праваслаўнай супольнасці. Прымаў гасцей пробашч парафіі, протаіерэй Павел Сярдзюк. Студэнты мелі магчымасць задаць святарам актуальныя пытанні аб ролі рэлігіі ў сучасным жыцці.
У межах бацькоўскага тыдня асаблівая ўвага ў ходзе дыялогу была ўдзелена праблемам фармавання каштоўнасных установак у моладзі ў развіцці інстытута сям’і і шлюбу, выхавання падрастаючага пакалення ў цэлым.
Ксёндз Францішак, са свайго боку, падкрэсліў, што сям’я з’яўляецца асновай грамадства і дзяржавы, і яе ўмацаванне і падтрымка — прыярытэтныя задачы.
Таксама ён дадаў, што выхаванне падрастаючага пакалення павінна быць заснавана на традыцыйных каштоўнасцях, такіх як любоў, павага, узаемадапамога, клопат пра блізкіх.
