6 кастрычніка біскуп Гродзенскі Аляксандр Кашкевіч прызначыў пробашчам парафіі святога Мікалая, біскупа, у Геранёнах (Івейскі дэканат) ксяндза Віталія Пяткевіча, які быў да гэтага часу вікарыем парафіі святога Вацлава ў Ваўкавыску (Ваўкавыскі дэканат).
Як паведаміла Прэс-служба Гродзенскай дыяцэзіі, ксёндз Пяткевіч зменіць на гэтай пасадзе ксяндза Дзмітрыя Несцера, які быў пробашчам у Геранёнах з 2014 года.
Біскуп Кашкевіч падзякаваў ксяндзу Віталію за святарскае служэнне, якое ён ажыццяўляў да гэтага часу, і ўдзяліў яму пастырскае благаслаўленне на спаўненне новых адказных абавязкаў.
Ксёндз Віталій Пяткевіч нарадзіўся 13 мая 1989 года. Паходзіць з парафіі святога Міхала Арханёла ў Ашмянах. Прэзбітэрскае пасвячэнне ўдзяліў яму 27 чэрвеня 2015 года біскуп Гродзенскі Аляксандр Кашкевіч у катэдральнай базыліцы святога Францішка Ксавэрыя ў Гродне.
