8 студзеня, у свята Хросту Пана, у Гродзенскай дыяцэзіяльнай курыі адбыўся душпастырскі візіт — каляда.
Як паведаміла Прэс-служба Гродзенскай дыяцэзіі, памяшканні курыі благаславіў у межах візіту арцыбіскуп эмэрыт Тадэвуш Кандрусевіч.
Перад гэтым абрадам іерарх прамовіў малітвы ў прыватнай капліцы біскупа Гродзенскага Аляксандра Кашкевіча і ўдзяліў пастыру Касцёла на Гродзеншчыне і ўсім, хто працуе ў курыі і пражывае пры ёй, пастырскае благаслаўленне.
Арцыбіскуп Кандрусевіч пажадаў усім прысутным шчодрых Божых дароў у новым годзе.
