26 лістапада ў кляштары сясцёр кармэлiтак Дзiцяткі Езуса ў Адамавічах (Гродзенская дыяцэзія, Сапоцкінскі дэканат), адбыўся дзень засяроджання для дзяўчат. Удельніцы сустрэчы разважалі на тэму: «Хто і што ў цэнтры майго сэрца».
Духоўным кіраўніком падчас сустрэчы быў малады святар ксёндз Яўген Амасёнак.
Адна з удзельніц дзеліцца сваім сведчаннем аб перажытай у Адамаічах сустрэчы.
«Вельмі шчаслівая, што ёсць магчымасць проста пабыць… Мы часцей за ўсё жывём планамі: заўтра, паслязаўтра, праз месяц. І тады губляеш смак сённяшняга імгнення. А ў Адамавічах можна было проста быць. Нікуды не спяшацца, нічога не планаваць. Назіраць. Слухаць. Глядзець. Вельмі простыя рэчы.
І вельмі файна быць не ў адзіноце, а быць з Богам. Дзень засяроджання — сустрэча з Богам, які ведае, хто я ёсць. З Якім можна паразмаўляць пра ўсё. І гэта тыя хвілінкі, якія дораць супакой, радасць, натхненне у маім жыцці. Напаўняюць усю астатнюю дзейнасць сэнсам», — кажа адна з дзяўчат.
