Прапануем вашай увазе кароткі анонс новага нумару газеты Гродзенскай дыяцэзіі «Слова Жыцця», які выйдзе 6 лістапада.
«Сабор, які змяніў Каталіцкі Касцёл». Арцыбіскуп эмэрыт Тадэвуш Кандрусевіч разважае пра Другі Ватыканскі Сабор з нагоды 60-й гадавіны з часу яго адкрыцця.
«Паглыбіць хрысціянскую веру… за тры дні». Матэрыял прысвечаны новаму для Беларусі курсу «Курсільё», што нядаўна прайшоў у рэкалекцыйным доме пры санктуарыі Езуса Журботнага ў Росі (Гродзенская дыяцэзія).
У матэрыяле «Святар у сацсетках» ідзе гаворка пра евангелізацыю не толькі з амбона, але і ў інтэрнэце.
Пра гэта і не толькі можна прачытаць у новым нумары газеты «Слова Жыцця» № 20 (595).
Набыць газету можна ва ўсіх парафіях Гродзенскай дыяцэзіі, а таксама ў парафіі святога Яна Евангеліста і святога Максімільяна Марыі Кольбэ ў Мінску (Кунцаўшчына).
