Пошук

03.10.2022 17:45   Тэкст і фота: Кс. Юрый Ясевіч / Catholic.by

Пасля ўдзелу ў Шостым ружанцовым кангрэсе, які 1 кастрычніка прайшоў у Магілёве, Мітрапаліт Мінска-Магілёўскі арцыбіскуп Юзаф Станеўскі наведаў шэраг парафій на Магілёўшчыне.

У нядзелю іерарх асабіста пазнаёміўся з жыццём каталіцкіх супольнасцяў у трох райцэнтрах на ўсходзе нашай краіны: у Чэрыкаве, Крычаве і Мсціславе.

У Чэрыкаве, дзе часова не адбываюцца набажэнствы, арцыпастыр памаліўся ў вернутым касцёле перад фігурай Маці Божай і запаліў свечку падчас малітвы з надзеяй і на знак таго, што хутка там будуць збірацца вернікі мясцовай парафіі.

Пробашч крычаўскай парафіі ксёндз Павел Адамовіч, які таксама з’яўляецца душпастырам католікаў Чэрыкава і Мсціслава, праінфармаваў арцыбіскупа аб актуальнай сітуацыяй ў гэтых парафіях.

Пасля іерарх прыбыў у Крычаў, дзе з мясцовай парафіяльнай супольнасцю цэлебраваў святую Імшу, а потым асабіста паразмаўляў з вернікамі.

З Крычава арцыбіскуп Юзаф Станеўскі скіраваўся ў Мсціслаў, дзе быў прывітаны вернікамі гэтай парафіі і цэлебраваў для іх Эўхарыстыю, а пасля пазнаёміўся з духоўнай і архітэктурнай спадчынай старадаўняга беларускага горада.

 
Абноўлена 03.10.2022 18:37
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа