17 верасня ў парафіі Узвышэння Святога Крыжа ў Светлагорску (Пінская дыяцэзія) адзначылі адпустовую ўрачыстасць, а таксама срэбны юбілей — 25 гадоў з часу пасвячэння касцёла.
З гэтай нагоды цэлебрацыю святой Імшы ў светлагорскай парафіі ўзначаліў дапаможны біскуп Пінскай дыяцэзіі Казімір Велікаселец.
У Эўхарыстыі ўзялі ўдзел шматлікія святары з розных куткоў Гомельчшыны, мясцовыя парафіяне і сябры парафіі.
Гамілію прамовіў ксёндз Ян Саламон — першы пробашч і будаўнічы касцёла ў Светлагорску. У Божым слове святар засяродзіўся на сутнасці свята Узвышэння Святога Крыжа, а таксама звярнуў увагу на «штодзённыя крыжы», якія сустракае ў сваім жыцці кожны чалавек.
«Няма Хрыста без крыжа, і крыжа без Хрыста», — падкрэсліў ксёндз Ян Саламон.
