24 ліпеня выйшаў з друку нумар 15 (590) газеты Гродзенскай дыяцэзіі «Слова Жыцця». Прадстаўляем анонс новага нумару.
«Пра алкагалізм, Божы дар і незалежнасць» — гэта размова з Людмілай пра яе шлях побач з хворым на алкагалізм мужам, пра захаванне сябе і сужэнскую вернасць у такіх сітуацыях.
«Галоўнае — быць сумленным». Пад такім загалоўкам публікуецца размова з праваслаўным святаром айцом Паўлам Сяргеевым пра рэлігійную сацыяльную дзейнасць, стасункі з прадпрымальнікамі і агульныя праблемы нашых Цэркваў у сферы дабрачыннасці ў сённяшні час.
У артыкуле «Мара Бога» Бажэна Панасевіч дзеліцца разважаннямі пра свабоду чалавека, задавольванне нашых патрэбаў і любоў Бога.
Акрамя таго ў новым нумары публікуецца ліст чытача з пілігрымкі ў тракельскі санктуарый; матэрыял пра шэдэўр італьянскай скульптуры ў Росі ад гісторыка Андрэя Вашкевіча; разважанні рыма- і грэка-каталіцкага святароў да нядзельных чытанняў.
Гэтыя і іншыя карысныя і цікавыя матэрыялы змешчаны ў 15-м нумары газеты Гродзенскай дыяцэзіі «Слова Жыцця», які можна набыць ва ўсіх парафіях Гродзенскай дыяцэзіі, а таксама ў парафіі святога Яна Евангеліста і святога Максімільяна ў Мінску (Кунцаўшчына).
У сувязі з летнім адпачынкам рэдакцыі чарговы нумар газеты «Слова Жыцця» выйдзе 11 верасня.
Калектыў супрацоўнікаў выдання жадае чытачам благаслаўлёнага працягу лета.
