![](/3/images/news/2022/07/14823/2022-07-09-tk-trakeli-007.jpg)
Падчас фэсту Маці Божай Тракельскай, Каралевы нашых сем’яў, які праходзіў у санктуарыі Гродзенскай дыяцэзіі ў Тракелях 9 і 10 ліпеня, арцыбіскуп эмэрыт Тадэвуш Кандрусевіч цэлебраваў святую Імшу для ўдзельнікаў малітоўных груп і падчас яе пасвяціў новы палявы алтар.
На Імшы, што адбывалася ў суботу а першай гадзіне, сабраліся ўдзельнікі апостальскага руху «Маргарытка», якія асаблівым чынам моляцца за святароў, a таксама іншых малітоўных груп і апостальскіх таварыстваў, што дзейнічаюць у Касцёле на Беларусі.
З гэтай цэлебрацыі, якую ўзначаліў заслужаны беларускі іерарх, распачалася багатая і насычаная праграма святкавання сёлетняга Тракельскага фэсту.
![](/3/images/news/2022/07/14823/2022-07-09-tk-trakeli-012.jpg)
У прамоўленай гаміліі арцыбіскуп Кандрусевіч засяродзіўся на закліку Езуса да няспыннай малітвы. Ён зазначыў, што прыклад такой малітвы пакінуў сваім вучням сам Збаўца, а таксама нагадаў, якую важную ролю малітва мае ў жыцці паасобных вернікаў і ўсяго Касцёла. З горыччу звярнуў увагу іерарх на занядбанне малітвы, што назіраецца ў апошні час.
«На жаль, сучасны свет адчувае недахоп духоўнага кіслароду. Праз малітву трэба адкрыць доступ да яго, інакш мы задыхнемся», — перасяцярог арцыпастыр, дадаўшы, што «без малітвы немагчыма захаваць веру ў Бога».
![](/3/images/news/2022/07/14823/2022-07-09-tk-trakeli-001.jpg)
«Супраць практыкі малітвы выступае секулярная спажывальніцкая культура, рацыяналістычныя тэндэнцыі, дух амаральнасці… Усё больш праяўляецца так званая „псіхалогія люстэрка“, калі мы бачым толькі сябе саміх, а не бліжняга і яго патрэбы. Здаецца, усё паўстала супраць малітвы, якую немагчыма вымераць ніякім паказальнікам прадукцыйнасці.
Аднак ад яе залежыць не толькі вечнае шчасце, але і духоўны клімат нашага жыцця, які праяўляецца перш за ўсё у сумленнасці, справядлівасці і любові да бліжняга», — сцвердзіў арцыбіскуп.
У Марыйным санктуарыі ў Тракелях іерарх адзначыў, што Марыя ўвайшла ў гісторыю збаўлення як жанчына малітвы, і заклікаў прадстаўнікоў малітоўных груп у час крызісу малітвы па прыкладу Маці Божай паказаць яе прыгажосць і неабходнасць.
![](/3/images/previews/news/2022/07/14823/s-2022-07-09-tk-trakeli-002-cb.jpg)
![](/3/images/previews/news/2022/07/14823/s-2022-07-09-tk-trakeli-003-cb.jpg)
![](/3/images/previews/news/2022/07/14823/s-2022-07-09-tk-trakeli-001-cb.jpg)
![](/3/images/previews/news/2022/07/14823/s-2022-07-09-tk-trakeli-004-cb.jpg)
![](/3/images/previews/news/2022/07/14823/s-2022-07-09-tk-trakeli-005-cb.jpg)
![](/3/images/previews/news/2022/07/14823/s-2022-07-09-tk-trakeli-007-cb.jpg)
![](/3/images/previews/news/2022/07/14823/s-2022-07-09-tk-trakeli-008-cb.jpg)
![](/3/images/previews/news/2022/07/14823/s-2022-07-09-tk-trakeli-009-cb.jpg)
![](/3/images/previews/news/2022/07/14823/s-2022-07-09-tk-trakeli-006-cb.jpg)
![](/3/images/previews/news/2022/07/14823/s-2022-07-09-tk-trakeli-010-cb.jpg)
![](/3/images/previews/news/2022/07/14823/s-2022-07-09-tk-trakeli-012-cb.jpg)
![](/3/images/previews/news/2022/07/14823/s-2022-07-09-tk-trakeli-011-cb.jpg)
![](/3/images/news/2022/07/14823/2022-07-09-tk-trakeli-002.jpg)
![](/3/images/news/2022/07/14823/2022-07-09-tk-trakeli-003.jpg)
![](/3/images/news/2022/07/14823/2022-07-09-tk-trakeli-001.jpg)
![](/3/images/news/2022/07/14823/2022-07-09-tk-trakeli-004.jpg)
![](/3/images/news/2022/07/14823/2022-07-09-tk-trakeli-005.jpg)
![](/3/images/news/2022/07/14823/2022-07-09-tk-trakeli-007.jpg)
![](/3/images/news/2022/07/14823/2022-07-09-tk-trakeli-008.jpg)
![](/3/images/news/2022/07/14823/2022-07-09-tk-trakeli-009.jpg)
![](/3/images/news/2022/07/14823/2022-07-09-tk-trakeli-006.jpg)
![](/3/images/news/2022/07/14823/2022-07-09-tk-trakeli-010.jpg)
![](/3/images/news/2022/07/14823/2022-07-09-tk-trakeli-012.jpg)
![](/3/images/news/2022/07/14823/2022-07-09-tk-trakeli-011.jpg)
Арцыбіскуп узгадаў таксама вядомага францускага фізіка і матэматыка Андрэ-Мары Ампера. «Калі пэўны чалавек убачыў яго на малітве, спытаўся: „Ці магчыма, каб такі вялікі чалавек маліўся?“ На гэта вучоны адказаў: „Я вялікі тады, калі малюся“», — прывёў павучальны прыклад арцыпастыр.
На заканчэнне гаміліі ён пажадаў удзельнікам Эўхарыстыі быць людзьмі малітвы, «каб наша краіна станавілася вялікай у вачах Бога і людзей».
Пасля гаміліі арцыбіскуп Тадэвуш Кандрусевіч здзейсніў пасвячэнне новага палявога алтара. Ён прачытаў адпаведную малітву, акрапіў алтар асвячонай вадой, пасля чаго акадзіў яго і сабраных на Імшы вернікаў.
![](/3/images/news/2022/07/14823/2022-07-09-tk-trakeli-009.jpg)
Пасвячаны алтар быў засцелены абрусам, на яго таксама паставілі крыж і свечкі.
Арцыбіскуп Кандрусевіч перадаў кусташу санктуарыя Маці Божай, Каралевы нашых сем’яў, ксяндзу каноніку Юрыю Бяганскаму запаленую свечку, і той запаліў ад яе свечы на алтары.
Пасля гэтага распачалася Эўхарыстычная літургія, і на новым алтары была ўпершыню складзена Найсвяцейшая Ахвяра.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)