Пошук

02.05.2022 12:04   Catholic.by

20–21 мая пры парафіі святога Міхала Арханёла адбудзецца Першы Біблійны кангрэс на тэму «Сінадальнасць у Святым Пісанні».

У мерапрыемстве прымуць удзел духоўныя, а таксама свецкія біблісты і тэолагі, якія чыталі лекцыі ў Біблійнай школе «Профэтэс». Сярод дакладчыкаў — дактары біблійнай тэалогіі ксёндз Сяргей Сурыновіча і ксёндз Аляксандр Мацкевіч, Уладзіслаў Валаховіч і Ірына Дубянецкая, а таксама ксёндз Юрый Санько і айцец Аркадзь Куляха OCD.

Арганізацыя кангрэсу прымеркавана да ўрачыстага завяршэння курса Біблійнай школы «Профэтэс» у Навагрудку, вучнямі якой на працягу 2021–2022 гадоў былі вернікі з усёй Беларусі.

Мэтай правядзення кангрэсу з’яўляецца заахвочванне вернікаў да паглыбленага вывучэння Божага Слова.

На завяршэнне Біблійнага кангрэсу выпускнікі Біблійнай школы «Профэтэс» атрымаюць адмысловыя пасведчанні.

У Біблійным кангрэсе можа ўзяць удзел кожны, хто зацікаўлены ў больш глыбокім вывучэнні Святога Пісання. Запісацца на ўдзел і атрымаць дадатковую інфармацыю можна па нумары тэл.:

або праз электронную пошту:

Арганізатарам кангрэсу з’яўляецца парафія святога Міхала Арханёла ў Навагрудку (вул. Міцкевіча 1).

Праграма мерапрыемства будзе пададзена пазней.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.