27 лютага ў араторыі пры парафіі святога Яна Хрысціцеля ў Мінску, дзе нясуць служэнне святары і сёстры з салезіянскай супольнасці, сабраліся дзеці, каб разам правесці час і духоўна з’яднацца з дзецьмі Украіны.
Як паведамляецца на сайце салезіянаў ксяндза Боско ў Беларусі sdb.by, праграма складалася з дзвюх частак: актыўнай і малітоўнай.
Напачатку дзеці ўдзельнічалі ў эстафетах, а пасля сабраліся вакол Марыі, каб праз Яе заступніцтва маліцца аб міры ва Украіне і ва ўсім свеце.
Напрыканцы быў зроблены агульны фотаздымак з сімваламі сэрца, каб падкрэсліць, што любоў перамагае нават вайну.
