10–11 студзеня намеснік Міністра замежных спраў Рэспублікі Беларусь, Надзвычайны і Паўнамоцны Пасол Беларусі пры Святым Пасадзе (па сумяшчальніцтве) Сяргей Алейнік здзяйсняе візіт у Ватыкан.
Як паведаміла Мінсітэрства замежных спраў Беларусі на сваім партале mfa.gov.by, 10 студзеня намеснік Міністра Алейнік узяў удзел ва ўрачыстай навагодняй аўдыенцыі Святога Айца Папы Францішка для дыпламатычнага корпусу, акрэдытаванага пры Святым Пасадзе.
Пасля аўдыенцыі адбыліся перамовы Намесніка кіраўніка МЗС Беларусі з Дзяржаўным Сакратаром Яго Святасці Папы Францішка кардыналам П’етро Паралінам.
Былі абмеркаваныя актуальныя пытанні двухбаковага супрацоўніцтва, узаемадзеянне ў межах міжнародных арганізацый, а таксама сумесныя намаганні па ўмацаванні міжканфесійнага дыялогу.
Таксама запланаваны сустрэчы Сяргея Алейніка з Сакратаром па адносінах з дзяржавамі (Міністрам замежных спраў) Дзяржаўнага Сакратарыяту Святога Пасаду арцыбіскупам Полам Рычардам Галахерам і Старшынёй Папскай рады спрыяння хрысціянскаму адзінству кардыналам Куртам Кохам.
