З 10 па 12 снежня ў Івянцы адбыліся адвэнтавыя рэкалекцыі, якія для моладзі з розных мясцін Беларусі правёў айцец Віктар Мялешка OFMConv.
У духоўных практыкаваннях бралі ўдзел юнакі і дзяўчаты з Віцебска, Гальшанаў, Глыбокага, Гродна, Лепеля, Мінска, Свіслачы, Удзела, Шуміліна і з самога Івянца.
Тры дні рэкалекцый былі напоўнены малітвай, асабістым часам пустыні (цішыні), адарацыяй, разважаннямі і магчымасцю споведзі.
Канферэнцыі былі прысвечаны разважанню над гісторыяй Якуба з біблейскай Кнігі Быцця, параўнананню жыцця Якуба і яго брата Эзава, ролі і ўплыву маці Рэбэкі, а таксама інтэрпрэтацыі гэтай гісторыі ў праекцыі на нашае духоўнае жыццё, нашыя адносіны з Марыяй і Яе дапамогу ў нашай барацьбе супраць граху. Таксама быў час і для сумеснага адпачынку (рэкрэацыя), падчас якога моладзь спявала, гуляла, гутарыла, аб’ядноўваючыся разам ў адну супольнасць.
![](/3/images/news/2021/12/2021-12-15-ivianec-011.jpg)
Рэкалекцыі мелі ўнікальную асаблівасць: на працягу ўсяго часу ніхто не карыстаўся інтэрнэтам, а на ўсіх тэлефонах быў уключаны авія-рэжым.
Прыняўшы гэты выклік, моладзь змагла адпачыць ад мітусні і цалкам прысвяціць гэты час Богу і бліжняму.
Дэвізам рэкалекцый стаў выраз Totus Tuus, што ў перакладзе з лаціны азначае «Увесь Твой». Менавіта гэтыя словы вымавіла моладзь, прысвячаючы сваё жыццё Панне Марыі падчас вячэрняй малітвы. Своеасаблівым гімнам сустрэчы стаў псальм 131, які айцец Яўген Голуб OFMConv ператварыў у цудоўны спеў са словамі: «Вось я перад Табой стаю такі, як ёсць».
![](/3/images/previews/news/2021/12/s-2021-12-15-ivianec-002-cb.jpg)
![](/3/images/previews/news/2021/12/s-2021-12-15-ivianec-003-cb.jpg)
![](/3/images/previews/news/2021/12/s-2021-12-15-ivianec-004-cb.jpg)
![](/3/images/previews/news/2021/12/s-2021-12-15-ivianec-005-cb.jpg)
![](/3/images/previews/news/2021/12/s-2021-12-15-ivianec-006-cb.jpg)
![](/3/images/previews/news/2021/12/s-2021-12-15-ivianec-007-cb.jpg)
![](/3/images/previews/news/2021/12/s-2021-12-15-ivianec-008-cb.jpg)
![](/3/images/previews/news/2021/12/s-2021-12-15-ivianec-009-cb.jpg)
![](/3/images/previews/news/2021/12/s-2021-12-15-ivianec-010-cb.jpg)
![](/3/images/previews/news/2021/12/s-2021-12-15-ivianec-011-cb.jpg)
![](/3/images/news/2021/12/2021-12-15-ivianec-002.jpg)
![](/3/images/news/2021/12/2021-12-15-ivianec-003.jpg)
![](/3/images/news/2021/12/2021-12-15-ivianec-004.jpg)
![](/3/images/news/2021/12/2021-12-15-ivianec-005.jpg)
![](/3/images/news/2021/12/2021-12-15-ivianec-006.jpg)
![](/3/images/news/2021/12/2021-12-15-ivianec-007.jpg)
![](/3/images/news/2021/12/2021-12-15-ivianec-008.jpg)
![](/3/images/news/2021/12/2021-12-15-ivianec-009.jpg)
![](/3/images/news/2021/12/2021-12-15-ivianec-010.jpg)
![](/3/images/news/2021/12/2021-12-15-ivianec-011.jpg)
Рэкалекцыі — гэта час, калі змяняецца жыццё, час паглыблення кантакту з Панам Богам і час духоўнага ўзбагачэння.
У нядзелю пасля святой Імшы моладзь дзялілася сведчаннямі і ўражаннямі ад пройдзеных рэкалекцый, асаблівым чынам падкрэсліваючы важнасць і неабходнасць такіх духоўных практыкаванняў, што даюць багаты плён.
Наступныя рэкалекцыі для моладзі плануюцца на перыяд Вялікага посту. Акрамя таго, кожную першую сераду месяца ў 20.00 праводзяцца моладзевыя анлайн-сустрэчы ў Zoom, на якія сардэчна запрашаюцца студэнты і працоўная моладзь. Бліжэйшая сустрэча запланавана на 5 студзеня 2022 года.
Падрабязная інфармацыя пра сустрэчы пададзена:
- на старонцы ў сацыяльнай сетцы Instagram — @moladz_m_m
- альбо па тэлефоне +375 (29) 772 56 78 — айцец Віктар Мялешка OFMConv.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)