4 лістапада па благаслаўленні Мітрапаліта Мінска-Магілёўскага арцыбіскупа Юзафа Станеўскага ў пасяджэнні 11-й Генеральнай канферэнцыі Міжканфесійнага хрысціянскага рэлігійнага брацтва (MХРБ) «Біблейскае таварыства ў Рэспубліцы Беларусь» узялі ўдзел ксёндз канонік Ян Крэміс, ксёндз канонік Францішак Рудзь, ксёндз Андрэй Сіповіч і айцец Алег Шэнда OFMCap.
На пасяджэнні была заслухана справаздача аб дзейнасці Біблейскага таварыства і даклад яго рэвізійнай камісіі за 2019–2021 гг. Адбыліся выбары ў праўленне і рэвізійную камісію на 2022–2025 гг.
MХРБ «Біблейскае таварыства ў Рэспубліцы Беларусь» з’яўляецца рэлігійнай арганізацыяй, створанай у студзені 1992 года і зарэгістраванай у Камітэце па справах рэлігій і нацыянальнасцяў пры Савеце Міністраў Рэспублікі Беларусь. Заснавальнікамі Таварыства з’яўляюцца хрысціяне розных канфесій.
Асноўная задача Таварыства — міжканфесійнае супрацоўніцтва ў галіне рэлігійнай асветы, дабрачыннасць і выдавецкая дзейнасць.
Прадстаўнікі канфесій уваходзяць у праўленне, склад якога выбіраецца на тры гады.
У склад праўлення Біблейскага таварыства ад Каталіцкага Касцёла уваходзяць ксёндз канонік Ян Крэміс, ксёндз канонік Францішак Рудзь i доктар бiблiйнай тэалогii Марына Пашук. 4 лістапада на выбарах у праўленне Библейскага таварыства на 2022–2025 гг. ксёндз Францішак Рудзь стаў намеснікам старшыні Праўлення.
