З 13 па 15 жніўня для аматараў выяўленчага мастацтва пры дамініканскай парафіі святога Казіміра і святой Ядзвігі ў Магілёве праходзіў майстар-клас па іканапісу.
На працягу каля дваццаці гадзін інтэнсіўных заняткаў пад наглядам і з дапамогай дасведчанага спецыяліста кожны ахвотны мог сваімі рукамі стварыць невялікую ікону.
Ва ўрачыстасць Унебаўзяцця Найсвяцейшай Панны Марыі аматараў іканапісу і іх працы благаславіў Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч.
Удзельнікі майстар-класу на працягу трох дзён перад вялікай Марыйнай урачыстасцю працавалі над стварэннем іконы Марыі Абранніцы Духа Святога.
Удзельнікі майстар-класу падзяліліся сваімі ўражаннямі ад стварэння іконы ўласнымі рукамі на сайце часопіса «Ave Maria».
