Пошук

19.04.2021 17:45   Паводле: eucharystki.wordpress.com / Пераклад і адаптацыя: Валянціна Грамыка / Catholic.by

16–18 красавіка праходзілі рэкалекцыі для дзяўчат на тэму «Выбар ёсць заўсёды», якія ў фармаце анлайн арганізавалі сёстры эўхарысткі.

Сястра Таццяна Гмыза SJE ужо некалькіх гадоў запар ладзіць рэкалекцыі для дзяўчат, аднак праз платформу ZOOM дні духоўнага засяроджання праводзіла ўпершыню.

Удзельніцы рэкалекцый былі з розных краін, рознага ўзросту, з рознай адукацыяй і хобі, але яднала іх супольнае жаданне паглыбіць веру, падзяліцца досведам духоўнага жыцця і знайсці адказы на свае пытанні.

Праграма рэкалекцый уключала тэматычныя разважанні, хатняе заданне, супольную малітву і нават адмысловую гульню. Сястра Люцыя Краткоўская SJE падрыхтавала медытацыю, а таксама навучыла дзяўчат новаму метаду малітвы.

Канферэнцыі прамовілі дыякан Ян Чупрынскі МІС, які казаў на тэму выбару праз прызму тэкстаў Святога Пісання, і ксёндз Аляксандр Жарнасек МІС, які, закранаючы важныя актуальныя тэмы, нагадаў, што ў кожнай сітуацыі чалавек робіць выбар сам.

На заключнай сустрэчы ўсе дзяліліся сваімі думкамі, досведам веры і натхненнем.

«Самае важнае, што застаецца ў маім сэрцы пасля гэтых сустрэч, — напамін, што для таго, каб некуды дайсці, трэба ў першую чаргу ведаць, куды ідзеш. А таксама тое, што кожны кірунак майго шляху трэба ўзгадняць з Езусам. Давяраць Яму, нават калі нешта не атрымліваецца або развальваецца, — гэта можа быць Яго дзеяннем, нягледзячы на тое, што нясе з сабою боль і пакуты. Давяраць у любой сітуацыі: Ён бачыць поўную карціну, калі я не ўсё разумею, бо ў Яго для мяне найлепшы план», — падзялілася на заканчэнне рэкалекцый Аліна з Літвы.

Больш сведчанняў — на сайце Кангрэгацыі Сясцёр Служак Езуса ў Эўхарыстыі

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа