22 лютага адбылася сустрэча Апостальскага адміністратара Мінска-Магілёўскай архідыяцэзіі біскупа Казіміра Велікасельца са старшынёй Магілёўскага аблвыканкама Леанідам Зайцам.
У сустрэчы, на якой абмяркоўваліся кірункі ўзаемадзеяння паміж дзяржавай і Касцёлам, узяў удзел таксама Біскупскі вікарый для горада Магілёва і Магілёўскай вобласці біскуп Аляксандр Яшэўскі SDB.
Як паведаміў афіцыйны партал Магілёўскага абласнога выканаўчага камітэту mogilev-region.gov.by, кіраўнік рэгіёну падкрэсліў, што ў Магілёўскай вобласці няма непаразуменняў паміж канфесіямі і ўнутры іх, а агульная задача ўлады і Царквы — аб’ядноўваць людзей, спрыяць таму, каб беларусы жылі мірна. Працягваючы тэму, біскуп Казімір Велікаселец дадаў, што ёсць і агульная мэта — служыць народу.
Падчас сустрэчы дэтальна абмяркоўвалася тэма статусу магілёўскага катэдральнага касцёла ў плоскасці перадачы яго парафіянам у бязвыплатнае карыстанне. Акрамя таго, уздымалася пытанне далейшага лёсу прыбудовы да касцёла Беззаганнага Зачацця Найсвяцейшай Панны Марыі ў Бабруйску і інш.
Па выніках размовы біскуп Казімір Велікаселец выказаў задаволенасць абмеркаваннем, адзначыўшы, што працуе ў Беларусі даўно і заўсёды знаходзіў агульную мову з выканаўчай уладай.
![](/3/images/previews/news/2021/02/s-2021-02-23-dsc02507_3.jpg)
![](/3/images/previews/news/2021/02/s-2021-02-23-dsc02480.jpg)
![](/3/images/previews/news/2021/02/s-2021-02-23-dsc02462_2.jpg)
![](/3/images/previews/news/2021/02/s-2021-02-23-dsc02493_1.jpg)
![](/3/images/previews/news/2021/02/s-2021-02-23-dsc02473_2.jpg)
![](/3/images/previews/news/2021/02/s-2021-02-23-dsc02518.jpg)
![](/3/images/news/2021/02/2021-02-23-dsc02507_3.jpg)
![](/3/images/news/2021/02/2021-02-23-dsc02480.jpg)
![](/3/images/news/2021/02/2021-02-23-dsc02462_2.jpg)
![](/3/images/news/2021/02/2021-02-23-dsc02493_1.jpg)
![](/3/images/news/2021/02/2021-02-23-dsc02473_2.jpg)
![](/3/images/news/2021/02/2021-02-23-dsc02518.jpg)
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)