Душпастыр моладзі Віцебскай дыяцэзіі ксёндз Алег Хмылко запрашае моладзь прыняць удзел у духоўных практыкаваннях, якія адбываюцца праз інтэрнэт.
Пра гэта паведамляе Catholicnews.by.
Рэкалекцыяніст засяродзіць асаблівую ўвагу на малітве за іншых.
Як кажа сам святар, гаворка будзе ісці не пра тое, як маліцца, якім спосабам ці формай, але менавіта за каго.
«На пачатку свайго пантыфікату Папа Францішак, дзелячыся сваім вопытам малітвы, распавёў пра малітву „пяці пальцаў“. Нашы рукі заўсёды з намі, і пры дапамозе пальцаў можам за кагосьці маліцца», — пра гэта будзе распавядаць кс. Алег у анлайн-рэкалекцыях.
Далучыцца да духоўных практыкаванняў можна на старонцы Дыяцэзіяльнага душпастырства моладзі ddm-vicebsk.by
Душпастырства моладзі раіць не глядзець відэа адно за адным, а быць паслядоўнымі: дзяліць па днях і выконваць усе парады і заданні, каб гэтыя рэкалекцыі прынеслі плёны ў жыцці.
Рэкалекцыі пачынаюцца з 15 снежня.
