Малады салезіянскі святар Артур Ляшнеўскі SDB распрацаваў графічную выяву, якая стане сімвалам наступнага Пастырскага года ў Касцёле на Беларусі.
Па рашэнні беларускага каталіцкага епіскапату 2021 Пастырскі год у Касцёле на Беларусі будзе прысвечаны 30-годдзю адраджэння структур Каталіцкага Касцёла на Беларусі. Ён пройдзе пад дэвізам: «Касцёл — сакрамэнт паўсюднага збаўлення. „Брамы пякельныя не перамогуць яго” (Мц 16, 18)».
На пасяджэнні Канферэнцыі Каталіцкіх Біскупаў у Беларусі іерархі палічылі мэтазгодным, каб сімволіка Пастырскага года, па магчымасці, была змешчана ў касцёлах і іншых прыдатных месцах, дзе збіраюцца вернікі.
З гэтаю мэтаю былі створаны макеты банераў з адпаведнымі выявамі і надпісамі ў вертыкальным і гарызантальным афармленні.
Спампаваць арыгінал-макеты:
