Фотаконкурс атрыбутаў Адвэнту і Калядаў праводзяць у Гродзенскай дыяцэзіі

02.12.2020 14:29 Паводле: Grodnensis.by / Catholic.by

Фота: Валерыя Шышмакова, парафія св. Вацлава, Ваўкавыск

1 снежня на партале Гродзенскай дыяцэзіі Grodnensis.by распачалася публікацыя фотаздымкаў чытачоў, дасланых на конкурс адвэнтавых вянкоў і батлеек.

Як паведамляюць арганізатары, мэта конкурсу — паглыбіцца ў атмасферу радаснага чакання Нараджэння Пана і зрабіць адвэнтавы вянок ці батлейку.

Дасланыя на конкурс здымкі сведчаць пра энтузіязм і творчы падыход вернікаў да захавання народных рэлігійных традыцый.

Пазнаёміцца з дасланымі на конкурс здымкамі можна на старонцы Гродзенскай дыяцэзіі Grodnensis.by>>>.

Фота: Сафія Фрэйбергс з мамай, парафiя бл. Мар’яны Бярнацкай, Гродна

Як адзначаецца на Grodnensis.by, конкурс працягваецца, і арганізатары запрашаюць фатаграфаваць у гарызантальным фармаце атрыбуты Адвэнту і Калядаў і высылаць здымкі на пошту рэдакцыі grodnensis@gmail.com.

У лісце неабходна пазначыць імя, прозвішча і парафію.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.