16 верасня ў парафіі святой Тэрэзы Авільскай у Шчучыне біскуп Віцебскі Алег Буткевіч удзяліў сакрамэнт канфірмацыі.
Кандыдаты рыхтаваліся да прыняцця сакрамэнту хрысціянскай сталасці два гады.
Звяртаючыся да іх, біскуп заахвоціў ставіць у цэнтр свайго жыцця Асобу Езуса Хрыста.
Іерарх заклікаў заўсёды, нягледзячы ні на што, трымацца Езуса і быць гатовымі адважна жыць штодня Ягоным словам і бараніць Яго.
На заканчэнне моладзь падзякавала біскупу за ўдзелены сакрамэнт і магчымасць супольнай малітвы.
Словы падзякі маладыя вернікі выказалі таксама сваім святарам, якія дапамагалі ім добра падрыхтавацца да гэтай урачыстасці.
