З 31 жніўня па 2 верасня ў санктуарыі Маці Божай Шкаплернай у Гудагаі (Астравецкі дэканат) адбыліся рэкалекцыі для святароў Гродзенскай дыяцэзіі.
Як паведамляе партал Grodnensis.by, духоўныя практыкаванні праводзіў а. Леанард Цеханоўскі OCD.
Рэкалекцыі мелі назву «Шляхамі прарока Іллі».
Такім чынам, на працягу трох дзён святары, якія служаць у Гродзенскай дыяцэзіі, былі «ў дарозе» паклікання і навяртання разам з гэтым прарокам.
Цэнтральнай падзеяй кожнага дня рэкалекцый была Эўхарыстыя, падчас якой удзельнікі маліліся аб хутчэйшым і мірным вырашэнні грамадска-палітычнага крызісу ў Беларусі і аб яе мірнай будучыні.
