Генеральны вікарый Мінска Магілёўскай архідыяцэзіі біскуп Юрый Касабуцкі афіцыйна паведамляе, што 31 жніўня супрацоўнікі памежнай службы Рэспублікі Беларусь адмовілі ва ўездзе ў краіну Мітрапаліту Мінска-Магілёўскаму арцыбіскупу Тадэвушу Кандрусевічу, Старшыні Канферэнцыі Каталіцкіх Біскупаў у Беларусі.
- Митрополита Минско-Могилёвского архиепископа Тадеуша Кондрусевича не впустили в Беларусь (RU)
- Border guards of the Republic of Belarus refused entry to the country to Archbishop Tadevuš Kandrusievič (EN)
Біскуп Юрый Касабуцкі ўдакладніў, што ў панядзелак 31 жніўня арцыбіскуп Тадэвуш Кандрусевіч вяртаўся з замежнай службовай паездкі.
На памежным пераходзе Кузніца Беластоцкая – Брузгі супрацоўнікі памежнай службы Рэспублікі Беларусь адмовілі кіраўніку беларускага каталіцкага епіскапату ва ўездзе ў краіну без тлумачэння прычыны.
Старшыня Канферэнцыі Каталіцкіх Біскупаў у Беларусі Мітрапаліт Мінска-Магілёўскі арцыбіскуп Тадэвуш Кандрусевіч з’яўляецца грамадзянінам Рэспублікі Беларусь.
***
RU
Генеральный викарий Минско-Могилёвской архиепархии епископ Юрий Кособуцкий официально сообщает, что 31 августа сотрудники пограничной службы Республики Беларусь отказали во въезде в страну Митрополиту Минско-Могилёвскому архиепископу Тадеушу Кондрусевичу, Председателю Конференции Католических Епископов в Беларуси.
Епископ Юрий Кособуцкий уточнил, что в понедельник 31 августа архиепископ Тадеуш Кондрусевич возвращался из заграничной служебной поездки. На пограничном переходе Кузница Белостокская – Брузги сотрудники пограничной службы Республики Беларусь отказали руководителю белорусского католического епископата во въезде в страну без пояснения причины.
Председатель Конференции Католических Епископов в Беларуси Митрополит Минско-Могилёвский архиепископ Тадеуш Кондрусевич является гражданином Республики Беларусь.
***
EN
The Vicar General of the Minsk-Mahilioŭ Archdiocese, Bishop Juryj Kasabucki, officially announces that on August 31, the border guards of the Republic of Belarus refused entry to the country to Metropolitan of Minsk-Mahilioŭ, Archbishop Tadevuš Kandrusievič, the Chairman of the Conference of Catholic Bishops of Belarus.
Bishop Juryj Kasabucki specifies that on Monday, August 31, Archbishop Tadevuš Kandrusievič was returning from an official trip abroad. At the border crossing Kuznica Bielastockaja – Bruzhi, the employees of the border service of the Republic of Belarus refused to enter the country for the head of the Belarusian Catholic episcopate without explaining the reason.
The Chairman of the Conference of Catholic Bishops of Belarus, Metropolitan of Minsk-Mahilioŭ Archbishop Tadevuš Kandrusievič is a citizen of the Republic of Belarus.
***
Тадэвуш Кандрусевіч нарадзіўся 3 студзеня 1946 г. у мястэчку Адэльск непадалёк ад Гродна. Пасля заканчэння сярэдняй школы вучыўся на фізіка-матэматычным факультэце Гродзенскага педагагічнага інстытута, з 1964 г. працягваў навучанне на энергамашынабудаўнічым факультэце Ленінградскага політэхнічнага інстытута, які ў 1970 г. скончыў на «выдатна» і атрымаў дыплом інжынера-механіка. Працаваў інжынерам на заводзе шліфавальных станкоў у Вільні.
У 1976 г. паступіў у Духоўную семінарыю ў Каўнасе, якую скончыў у 1981 г. і 31 мая таго ж года прыняў святарскае пасвячэнне. З 1981 па 1988 г. нёс святарскае служэнне ў розных парафіях на Віленшчыне.
13 лютага 1988 г. быў прызначаны пробашчам гродзенскіх парафій Маці Божай Анёльскай (былы францішканскі касцёл) і св. Францішка Ксавэрыя (катэдра).
25 ліпеня 1989 г. Папа Ян Павел ІІ прызначыў кс. Тадэвуша Кандрусевіча тытулярным біскупам Гіпона-Дзарыцкім і Апостальскім Адміністратарам Мінскай дыяцэзіі для католікаў у Беларусі.
Біскуп Тадэвуш Кандрусевіч заснаваў Гродзенскую вышэйшую духоўную семінарыю, спрыяў вяртанню і адкрыццю каля 100 раней зачыненых касцёлаў у нашай краіне, а таксама прычыніўся да выдання «Парадку Імшы» і «Катэхізісу» на беларускай мове, распачаўшы такім чынам справу адраджэння Касцёла ў Беларусі.
З 1991па 2007 г. Тадэвуш Кандрусевіч нёс пастырскае служэнне ў Расіі. 21 верасня 2007 г. Папа Бэнэдыкт XVI вярнуў іерарха на Радзіму, прызначыўшы яго арцыбіскупам Мітрапалітам Мінска-Магілёўскім.
3 чэрвеня 2015 г. Канферэнцыя Каталіцкіх Біскупаў Беларусі абрала арцыбіскупа Тадэвуша Кандрусевіча сваім Старшынёй.
Арцыбіскуп Тадэвуш Кандрусевіч уваходзіць у спецыяльны савет па Еўропе пры Генеральным сакратарыяце Сінода Біскупаў Каталіцкага Касцёла, у Кангрэгацыю па справах духавенства, а таксама ў Папскую раду справядлівасці і спакою. З’яўляецца віцэ-прэзідэнтам Еўразійскага аддзялення Міжнароднай асацыяцыі рэлігійнай свабоды (МАРС).
