20 чэрвеня ў парафіі Унебаўзяцця Найсвяцейшай Панны Марыі ў Мазыры ўпершыню адбылася працэсія Божага Цела па-за мурамі касцёла.
Працэсія была аргнізавана на адкрытым паветры.
Духавенства і вернікі прайшлі за Езусам у Эўхарыстыі ад сваёй парафіяльнай святыні — касцёла пры колішнім кляштары сясцёр цыстэрцыянак, да былога касцёла пры старадаўнім кляштары айцоў цыстэрцыянцаў, які знаходзіцца непадалёк.
У савецкія часы тут размяшчалася мэблевая фабрыка, з-за чаго кляштарны комплекс быў моцна знішчаны. Цяпер вядуцца рэстаўрацыйныя працы па яго аднаўленні.
Адраджаецца таксама і рэлігійнае жыццё ў горадзе, сведчаннем чаго стала Эўхарыстычная працэсія на ўшанаванне Найсвяцейшага Цела і Крыві Хрыста.
