7 чэрвеня, у нядзелю пасля ўрачыстасці Найсвяцейшага Цела і Крыві Хрыста (Божага Цела), у Брэсце адбылася традыцыйная Эўхарыстычная працэсія ад касцёла Узвышэння Святога Крыжа ў цэнтры горада да касцёла Маці Божай Валадаркі (мікрараён Кіеўка).
Літургію святой Імшы і ўрачыстую працэсію ўзначаліў дапаможны біскуп Пінскай дыяцэзіі Андрэй Зноска.
Падчас Эўхарыстычнай працэсіі вернікі горада разам з мясцовымі святарамі маліліся аб шчодрым Божым благаслаўленні для ўсіх жыхароў Брэстчыны.
