Пошук

09.06.2020 09:06   Паводле: кс. Юрый Марціновіч / Grodnensis.by

У першую нядзелю чэрвеня ў Гродзенскай дыяцэзіі адзначаецца дыяцэзіяльны Дзень бацькі. Сёлета ён прыпаў на ўрачыстасць Найсвяцейшай Тройцы, 7 чэрвеня.

Як паведамляе Grodnensis.by, з гэтай нагоды біскуп Гродзенскі Аляксандр Кашкевіч узначаліў цэлебрацыю святой Імшы ў катэдральнай базыліцы святога Францішка Ксавэрыя ў Гродне.

Падчас Эўхарыстыі іерарх асаблівым чынам маліўся ў інтэнцыі ўсіх татаў дыяцэзіі — жывых, каб яны былі асновай свайго дому і прыкладам для сям’і, а таксама памерлых з просьбай аб дары неба для іх.

Акрамя гэтага, біскуп заахвоціў маліцца аб хутчэйшым спыненні эпідэміі, якая не дазваляе людзям нармальна функцыянаваць і цешыцца жыццём.

Кажучы пра ўрачыстасць Найсвяцейшай Тройцы, якая адзначалася ў гэты дзень, пастыр Касцёла на Гродзеншчыне падкрэсліў, што Тройца — вялікая таямніца нашай веры, якой, жывучы на зямлі, чалавек ніколі не будзе ў стане пазнаць.

Іерарх заклікаў стаць на калені перад гэтай таямніцай і вызнаць веру ў Бога ў Тройцы Адзінага. Таксама ён пажадаў, каб гэтая ўзнёслая ўрачыстасць стала нагодай яшчэ больш умацаваць сувязь з Тройцай.

Біскуп заахвоціў вернікаў падзякаваць Богу ў Тройцы Святой Адзінаму за ўсе ласкі і дары, якія ад Яго атрымалі.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа