30 мая завяршылася апошняя веснавая паездка супрацоўнікаў Дабрачыннага каталіцкага таварыства Caritas Мінска-Магілёўскай архідыяцэзіі па праекце «Хатнія жывёлы».
Мэта праекту — падтрымка патрабуючых грамадзян Беларусі ў сельскай мясцовасці.
29 мая прадстаўнікі Caritas раздалі трусоў патрабуючым у Лебедзеве і Багданаве, а 30 мая накіраваліся ў напрамку Маладзечна, раздаўшы куранят сем'ям з Лебедзева і Ракава.
На заканчэнне адбыліся паўторныя візіты ў Багданава і Будслаў — на гэты раз з куранятамі. Нягледзячы на дажджлівае і ветранае надвор'е, перадача гадаванцаў праходзіла ў добрым настроі.
