На гэтым тыдні супрацоўнікі Дабрачыннага каталіцкага таварыства Caritas Мінска-Магілёўскай архідыяцэзіі рэалізуюць другі этап праекту «Хатнія жывёлы» па падтрымцы патрабуючых грамадзян Беларусі ў сельскай мясцовасці.
У межах праекту пажылым людзям, шматдзетным, прыёмным і малазабяспечаным сем'ям перадаюцца кураняты-бройлеры і трусы, а таксама неабходная колькасць корму на першы час.
За апошнія тры дні перадача жывёл новым гаспадарам праходзіла:
25 мая (кураняты):
Шклоў – Горкі – Мсціслаў – Чавусы – Крупкі – Барысаў – Смалявічы – Мінскі р-н (Ляскоўка) – Бялынічы
26 мая (кураняты):
Старыя Дарогі – Слуцк – Клецк – Нясвіж – Гарадзея – Стоўбцы – Негарэлае
27 мая (трусы):
Смалявічы – Ляскоўка (Мінскі р-н) – Замосце (Слуцкі р-н) – Слуцк
Развозіць куранят і трусаў патрабуючым плануецца да канца тыдня.
