Ва ўспамін Маці Божай Фацімскай ксяндзы марыяне прапануюць разам узгадаць асноўныя моманты аб’яўленняў у Фаціме і славуты цуд сонца.
У далёкім 1917 годзе на супрацьлеглым канцы Еўропы ў партугальскім мястэчку Фаціма Маці Божая аб’явілася тром маленькім пастушкам, каб перадаць усяму свету заклік да малітвы.
Мінула ўжо больш за сто гадоў з тых аб’яўленняў, але Фацімскае пасланне Марыі не згубіла сваёй актуальнасці і ў наш час.
Ксяндзы марыяне, якія нясуць служэнне ў архідыяцэзіяльным санктуарыі Маці Божай Фацімскай у Жодзіне, прапануюць разам узгадаць, як гэта адбывалася і што праз трох пастушкоў жадала перадаць усяму свету Маці Божая.
У гэтым нам дапаможа падрыхтаванае імі відэа паводле кнігі Антоніо Барэллі «Фацімская вестка: трагедыя ці надзея?».
