У інтэрв’ю Catholic.by, прысвечаным жыццю Касцёла падчас пандэміі, арцыбіскуп Тадэвуш Кандрусевіч распавёў пра стан здароўя свайго сабрата ў біскупскім служэнні біскупа Пінскага Антонія Дзям’янкі, які 28 красавіка трапіў у шпіталь.
Нагадаем, што ў біскупа абвастрылася кардыялагічнае захворванне, з-за чаго ён быў шпіталізаваны ў рэанімацыйнае аддзяленне раённага шпіталя ў Пінску.
Вось што Catholic.by паведаміў 1 мая арцыбіскуп Тадэвуш Кандрусевіч:
«Паводле звестак, якія атрымліваем з Пінска, на сённяшні дзень стан біскупа Антонія Дзям’янкі лепшы, чым быў два дні таму, калі яго забралі ў шпіталь.
Атрыманы сёння вынік тэсту на каранавірус адмоўны. Далейшае лячэнне біскуп Пінскі будзе праходзіць у Брэсцкім абласным шпіталі.
Заахвочваю ўсіх да малітвы аб здароўі вельмі актыўнага, ахвярнага і адданага справе Касцёла Пінскага біскупа Антонія Дзям’янкі, каб ён як мага хутчэй мог працягваць служэнне наступніка апосталаў», — дадаў кіраўнік беларускага каталіцкага епіскапату
