Фота: mfa.gov.by
10 студзеня адбылася сустрэча Міністра замежных спраў Рэспублікі Беларусь Уладзіміра Макея з Апостальскім нунцыем у Беларусі арцыбіскупам Габарам Пінтэрам у сувязі з завяршэннем дыпламатычнай місіі іерарха ў нашай краіне.
Як паведамляе прэс-служба Міністэрства замежных спраў Рэспублікі Беларусь, у ходзе сустрэчы былі разгледжаны актуальны стан і перспектывы пашырэння дыялогу паміж Беларуссю і Святым Пасадам у розных сферах, уключаючы супрацоўніцтва ў гуманітарнай і культурнай сферах, узаемадзеянне на міжнародных пляцоўках.
Міністр падзякаваў Апостальскаму нунцыю за ўнёсак у развіццё сяброўскіх адносін паміж Беларуссю і Ватыканам, а таксама за актыўнае садзеянне ў рэалізацыі знакавых для абодвух бакоў мерапрыемстваў.
