Пошук

10.01.2020 14:21   Паводле: mfa.gov.by
Пасол Сяргей Алейнік і кардынал П’етро Паралін / Фота: mfa.gov.by

З 8 па 12 студзеня Надзвычайны і Паўнамоцны Пасол Рэспублікі Беларусь у Злучаным Каралеўстве Вялікабрытаніі і Паўночнай Ірландыі і Святым Пасадзе по сумяшчальніцтве Сяргей Алейнік наведвае з візітам Ватыкан.

Як паведаміла прэс-служба Міністэрства замежных спраў Рэспублікі Беларусь, 9 студзеня Пасол Беларусі прыняў удзел у штогадовай навагодняй аўдыенцыі Папы Францішка для дыпламатычнага корпусу, акрэдытаванага пры Святым Пасадзе.

Сяргей Алейнік меў кароткую гутарку з Пантыфікам і перадаў яму віншаванні з каляднымі і навагоднімі святамі ад беларускага кіраўніцтва.

У межах візіту Пасол Беларусі сустрэўся з Дзяржаўным сакратаром Яго Святасці кардыналам П’етро Паралінам. Суразмоўцы абмеркавалі актуальныя пытанні беларуска-ватыканскіх адносін, станоўча ацанілі ўзаемадзеянне ў міжнародных арганізацыях і абмяняліся меркаваннямі аб сітуацыі ў рэгіёне.

Сяргей Алейнік таксама сустрэўся з іншымі афіцыйнымі прадстаўнікамі Ватыкана.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.