Пошук


11.12.2019 14:16   Тэкст і фота: Кс. Аляксандр Улас / Catholic.by

У апошні дзень свайго прабывання ў Санкт-Пецярбургу Мітрапаліт Мінска-Магілёўскі арцыбіскуп Тадэвуш Кандрусевіч быў запрошаны ў студыю расійскага «Радыё Марыя», ля вытокаў якога стаяў 25 гадоў таму.

Гэта была сустрэча не толькі з працаўнікамі радыё. Госці, як толькі ўвайшлі ў будынак, дзе яно знаходзіцца, адразу былі запрошаны ў прамы эфір, і па сутнасці сустрэча адбылася са слухачамі.

Тыя, тэлефануючы ў прамы эфір, перш за ўсё цікавіліся жыццём Касцёла на Беларусі, колькасцю моладзі і дзяцей, а таксама ўсімі тымі цяжкасцямі, якія Касцёл у нашай краіне павінен пераадольваць.

Была закранута і тэма існавання, развіцця і пачатку вяшчання «Радыё Марыя Беларусь», пра што радыёслухачам распавёў яго былы дырэктар і сённяшні дырэктар парталу Catholic.by кс. Аляксандр Улас.

Напрыканцы праграмы арцыбіскуп Кандрусевіч звярнуўся да слухачоў на беларускай мове, пажадаўшы ім плённа перажыць перыяд Адвэнту і радасна сустрэць Божае Нараджэнне.

Пасля Мітрапаліт Мінска-Магілёўскі быў запрошаны на абед у Вышэйшую духоўную семінарыю ў Санкт-Пецярбургу, у аднаўленні дзейнасці якой таксама актыўна ўдзельнічаў калісьці.

Пасля абеду прайшла менш афіцыйная сустрэча паміж іерархам і прадстаўнікамі кіраўніцтва семінарыі.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.