16 міністрантаў удзельнічалі ў рэкалекцыях, якія пачаліся ў пятніцу 8 лістапада ва Уселюбе.
У праграме былі катэхезы, малітва, супольны шпацыр і навучанне банцам (танцам з жэстамі). Рэкалекцыі мелі перш за ўсё духоўна-інтэграцыйны характар, каб моладзь і дзеці бліжэй пазнаёміліся адзін з адным, маглі супрацоўнічаць і адчуць сябе больш адказнымі за Касцёл і даручаныя ім абавязкі.
Акрамя таго, міністранты і кандыдаты ў міністранты паглядзелі фільм «Найвялікшы Цуд» пра сапраўдную прысутнасць Езуса Хрыста ў Эўхарыстыі.
Кожны меў магчымасць паказаць свае таленты ў спецыяльна зладжаных конкурсах па эрудыцыі, творчасці і спорту.
За актыўны ўдзел некаторыя з хлопцаў былі ўзнагароджаныя памятнымі і салодкімі прызамі.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)