Пошук


05.11.2019 13:07   Тэкст: Брат Алег Шэнда OFMCap / Фота: з архіва аўтара / Catholic.by

3 лістапада ў доме Генеральнай курыі Меншых Братоў Капуцынаў у Рыме адбылася сустрэча вышэйшага настаяцеля капуцынаў у Беларусі брата Алега Шэнды OFMCap з Генеральным міністрам ордэна братам Робэртам Генуінам OFMCap.

У змястоўнай і шчырай размове настаяцелі абмяркоўвалі не толькі агульны стан Ордэна капуцынаў у свеце, але і разважалі пра клопаты, выклікі, радасці ў жыцці ўсяго Каталіцкага Касцёла.

Генеральны міністр жыва цікавіўся гісторыяй Беларусі і сучаснай сітуацыяй Касцёла ў нашай краіне.

Брат Робэрт шчыра дзякаваў беларускім капуцынам за ўдзел у жыцці мясцовага Касцёла і блізкасць да простых людзей. Генерал выказаў таксама ўдзячнасць за падтрымку беларускімі братамі прысутнасці Ордэна ў Венгрыі, Габоне і Грузіі.

Найвышэйшы кіраўнік Ордэна перадаў цёплае бацькоўскае прывітанне ўсім братам кустодыі, выказаўшы надзею на далейшы плён францішканскага ладу жыцця і капуцынскага паклікання на беларускай зямлі. Падчас сустрэчы абмяркоўвалася магчымасць яго візіту ў Беларусь.

Абноўлена 05.11.2019 13:14
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.