8 лістапада прыпадае апошні дзень актавы — прывілеяванага часу асаблівых малітваў за спачылых, калі католікі могуць атрымаць поўны адпуст за наведванне могілак і малітву ў інтэнцыях памерлых.
Поўны адпуст можна атрымаць за пабожнае наведванне могілак і малітву за памерлых. Гэты адпуст можна ахвяраваць толькі за памерлых.
Калі ў дзень наведвання могілак няма магчымасці прыняць святую Камунію, гэта можна зрабіць у іншы час.
Варта памятаць, што ў гэты перыяд адпуст можна атрымліваць кожны дзень пры ўмове наведвання могілак і малітвы за памерлых. Прыняцце святой Камуніі дакладна ў гэты дзень для атрымання адпусту ў гэтым выпадку неабавязковае.
Каб атрымаць адпуст, неабходна быць у стане асвячальнай ласкі пасля споведзі (неабавязкова спавядацца менавіта ў гэты дзень — варта зрабіць гэта загадзя), прыняць святую Камунію і памаліцца ў інтэнцыях Святога Айца — інтэнцыях, у якіх моліцца Пантыфік. Інтэнцыі папскіх малітваў у гэтым месяцы пададзены ТУТ>>>
Хоць на многіх могілках ужо прайшлі малітвы і набажэнствы за памерлых, аднак і ў апошні дзень актавы святары наведаюць некаторыя могілкі. З раскладам наведвання могілак можна пазнаёміцца ТУТ>>>
Аднак для атрымання адпусту неабавязкова браць удзел у арганізаваным набажэнстве са святаром: дастаткова самастойна наведаць могілкі і памаліцца за памерлых.
