Пошук


21.10.2019 11:32   Тэкст: Андрэй Юхнік / Фота: Павел Леановіч / Catholic.by

19 кастрычніка падчас ранішняй святой Імшы ў капліцу Міждыяцэзіяльнай вышэйшай духоўнай семінарыі ў Гродне былі ўнесены рэліквіі благаслаўлёнага ксяндза Ежы Папялушкі. У гэты дзень адзначаецца яго літургічны ўспамін.

На Эўхарыстыі сабраліся семінарысты разам з выхаваўцамі на чале з рэктарам кс. Віталем Вайцяхоўскім. Цэлебрацыю ўзначаліў канцлер курыі Гродзенскай дыяцэзіі кс. канонік Аляксандр Мацкевіч, які ўрачыста прынёс рэліквіі да алтара, а таксама прамовіў гамілію. У ёй святар звярнуў увагу на асобу бл. Ежы Папялушкі, нагадаў яго біяграфію і прывёў яго ў прыклад адданасці служэнню Богу.

«Благаслаўлёны Ежы Папялушка дае нам прыклад трываласці ў веры, любові да Касцёла і клопату аб блізкіх», — адзначыў кс. Мацкевіч.

Напрыканцы св. Імшы супольнасць памалілася аб заступніцтве благаслаўлёнага Ежы і ўшанавала рэліквіі.

Гродзенская семінарыя атрымала ў дар рэліквіі бл. Ежы Папялушкі — частку яго косці — ад Варшаўскай архідыяцэзіі (Польшча).

Ва ўсім свеце — ад Бразіліі да Філіпінаў — ёсць каля 1500 рэліквій гэтага благаслаўлёнага. Цяпер яны ёсць і ў семінарыі ў Гродне.

Абноўлена 21.10.2019 12:39
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця