Пошук


16.10.2019 12:46   Тэкст: А. Сяргей Трысцень OCD / Фота: А. Пётр Фраштэнга OCD / Catholic.by

12 кастрычніка ў Ляскоўцы, што пад Мінскам, урачыста рапачаўся дзявяты год навучання ў «Школе сямейнага жыцця Мінска-Магілёўскай архідыяцэзіі».

З гэтай нагоды адбылася святая Імша, якую ўзначаліў дапаможны біскуп Мінска-Магілёўскай архідыяцэзіі Юрый Касабуцкі. Іерарх благаславіў выкладчыкаў і слухачоў на новы навучальны год.

У гаміліі падчас Імшы біскуп нагадаў пра важнасць слухання Божага Слова, пазнавання Бога і паглыблення сувязі з Ім. Іерарх падкрэсліў, што вера павінна быць вызначальным пунктам для кожнай хрысціянскай сям’і, а бараніць каштоўнасці веры — абавязак кожнага хрысціяніна. Біскуп нагадаў таксама пра задачы «Школы сямейнага жыцця».

Сёлета на першы курс «Школы сямейнага жыцця» ў Мінску паступіла 17 чалавек з розных куткоў Мінска-Магілёўскай архідыяцэзіі.

Пасля ўрачыстага распачацця новага навучальнага года cлухачы прыступілі да звычайных лекцыйных заняткаў.

«Школа сямейнага жыцця Мінска-Магілёўскай архідыяцэзіі» мае на мэце падрыхтоўку кваліфікаваных спецыялістаў для працы ў сямейных кансультацыях. У праграме курсу — прадметы з галіны псіхалогіі, тэалогіі, этыкі, метады распазнавання плоднасці, а таксама практычныя заняткі. У курсе могуць браць удзел прадстаўнікі розных канфесій, а таксама няверуючыя, зацікаўленыя дабром сям’і.

Абноўлена 16.10.2019 15:50
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа