Дом для дзяцей з анкалогіяй адкрылі ў Дзіцячым цэнтры дабрачыннага каталіцкага таварыства Caritas у Ляскоўцы. Пра гэта 24 верасня было змешчана паведамленне на старонцы Caritas Minsk у сацыяльнай сетцы Facebook.
Прадстаўнікі Caritas дзякуюць усім, хто прыбыў на адкрыццё, сваім валанцёрам за дапамогу ў арганізацыі мерапрыемства, работнікам і валанцёрам кафедры рэжысуры факультэта традыцыйнай беларускай культуры і сучаснага мастацтва БДУКіМ (фальклорны гурт «Агнявец»), цэнтру развіцця «МамаРада», забаўляльнаму цэнтру «Zадоринка» і СГАБ «Бумеранг добра», усім дабрачынцам, хто дапамагаў матэрыяльна і духоўна.
Новы дом для дзетак благаславіў дырэктар ДКТ Caritas Мінска-Магілёўскай архідыяцэзіі а. Андрэй Жылевіч OFMCap.
