У жніўні ў гасцінным доме айцоў піяраў у Шчучыне праходзілі «Канікулы з Богам», у якіх бралі ўдзел дзеці, падлеткі і моладзь з розных парафій.
Як кажуць самі юнакі і дзяўчаты, яны за гэты час пераканаліся, што лета і канікулы — магчымасць не толькі адпачыць, але і прысвяціць больш асабістага часу на праслаўленне Пана. У Шчучыне яны сталі сведкамі таго, як Пан Бог яднае розных людзей: і маленькіх, і трошкі старэйшых, і дарослых.
Тэма сёлетніх «Канікулаў з Богам» — «Шчаслівыя тыя, хто слухае і выконвае слова Божае». Кожны дзень «шчучынскіх канікулаў» удзельнікі перажывалі незабыўныя хвіліны, сустракаючыся на супольных малітвах, гульнях, забавах і танцах.
Акрамя таго, кожны вечар для выхаваўцаў і старэйшай моладзі былі падрыхтаваныя спецыяльныя «духоўныя вячоркі»: адарацыя Найсвяцейшага Сакрамэнту, Крыжовы шлях, а таксама праслаўленне спевам нашага Айца на вуліцах горада
