Пошук


26.08.2019 12:37   Тэкст і фота: с. Марыя Пія CR / Catholic.by

З 23 па 25 жніўня ў кляштары сясцёр змёртвыхпаўстанак у Наваполацку прайшлі рэкалекцыі для моладзі на тэму «Мае мары і жаданні».

У кожнага з нас ёсць свае мары і жаданні. Часам іх атрымліваецца рэалізаваць, а часам яны пераходзяць на іншы ўзровень. Дзякуючы ласцы Пана Бога яны ачышчаюцца, каб прыносіць плён.

У дні рэкалекцый Езус запрасіў кожнага ўдзельніка да сустрэчы каля студні Якуба, як гэта было з самаранкай. Менавіта Пан першы выйшаў на сустрэчу і вельмі чакаў таго, каб наталіць нашую прагу жывою вадою Свайго слова.

Падчас рэкалекцый была цудоўная магчымасць паглядзець на свае мары і жаданні, а таксама навучыцца выбіраць тое, што каштоўнае, і тое, што надае сэнс нашаму жыццю.

Не абышлося і без майстар-класу па вырабе хрысціянскага сімвалу — рыбкі.

Кожны чалавек з’яўляецца студняй, і толькі ад нас залежыць, чым мы будзем яе напаўняць.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа