У мінскім касцёле св. Сымона і св. Алены пройдуць адкрыццё выставы жывапісу, вечарына з нагоды юбілею нараджэння Міцкевіча і калядная сустрэча.
16 снежня а 12-й гадзіне ў Белай зале Чырвонага касцёла адбудзецца адкрыццё выставы жывапісу Уладзіміра Ісачэнкі «Там, дзе жыве душа».
16 снежня а 16-й гадзіне ў тэатральнай зале касцёла ладзіцца вечарына, прысвечаная 220-й гадавіне з дня нараджэння Адама Міцкевіча «Адамаў шлях пад вечным небам». У вечарыне прымуць удзел гурток па вывучэнні польскай мовы пры парафіі св. Міхала Арханёла ў Навагрудку, ансамбль «Тутэйшая шляхта», хор «Cantus Cordis».
24 снежня пасля святой Імшы, якая пачнецца ў 12.00, каля помніка Адаму Міцкевічу ў аднайменным скверы адбудзецца калядная сустрэча. У межах сустрэчы чакаюцца выступленні і дзяленне аплаткай.
Запрашаюцца ўсе жадаючыя.
