8 снежня брат Аляксей Юхневіч OFMConv прынясе вечныя манаскія абяцанні ў Ордэне Братоў Меншых Канвентуальных (Францішканаў), прысягаючы назаўжды жыць у паслухмянасці, без уласнасці і ў чыстасці.
Урачыстасць адбудзецца а 11-й гадзіне ў санктуарыі cв. Антонія Падуанскага ў Лодзі-Лагеўніках (Польшча).
Брат Аляксей паходзіць з парафіі св. Міхала Арханёла ў Івянцы. Духоўную фармацыю ў Ордэне Братоў Меншых Канвентуальных (Францішканаў) распачаў у 2012 г., паступіўшы ў пастулат. У 2014 г., пасля навіцыяту, які працягваўся год, прынёс першыя часовыя манаскія абяцанні. У цяперашні час брат Аляксей вучыцца на 5-м курсе францішканскай семінарыі ў Лодзі-Лагеўніках.
Брат Аляксей просіць аб малітве за ўсіх братоў (брата Адрыяна, брата Лукаша і брата Якуба), з якімі разам прынясе вечныя манаскія абяцанні.
