Пошук

22.11.2018 15:50   Catholic.by

У гэтым годзе ва Украіне згадваюць 85-годдзе галадамору. З гэтай нагоды ў парафіях Мінска-Магілёўскай архідыяцэзіі будуць маліцца за ахвяраў тых страшных падзей.

23 лістапада Імша ў інтэнцыі ахвяраў галадамору пройдзе ў мінскім Чырвоным касцёле, пачатак св. Імшы — 17.00.

Як паведамляе агенцтва KAI, спецыяльны ліст да ўкраінскай супольнасці скіраваў старшыня епіскапату Італіі кардынал Гуалцьеро Базэцці. У Рыме ў гэтыя дні будзе арганізаваны шэраг мастацкіх выстаў і праглядаў фільмаў, прысвечаных гэтай трагедыі.

Галадамор ва Украіне здарыўся ў 1932-33 гадах, калі ў СССР ажыццяўлялася прымусовая калектывізацыя сельскагаспадарчых культур.

Паводле розных ацэнак смерць ад голада забрала жыццё амаль 10 млн чалавек — трэцюю частку насельніцтва тагачаснай Украінскай ССР. 26 дзяржаў, у ліку якіх і Ватыкан, прызналі гэтую трагедыю генацыдам.

«Не забывацца — гэта азначае не толькі не азірацца назад, але і пераказваць наступным пакаленням тое, што адбылося, каб памяць пра той жах не знікала», — зазначыў кардынал Гуалцьеро Базэцці.

Абноўлена 23.11.2018 08:34
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця