Пошук



1 cнежня ў нарачанскай парафіі св. апостала Андрэя адбудзецца традыцыйная дэканальная сустрэча моладзі «Андрэйкі».

Як і штогод, сёлетнія «Андрэйкі» ў Нарачы — тэматычныя і прысвечаны пяцігоддзю пантыфікату папы Францішка. З гэтай нагоды падчас сустрэчы пройдзе конкурс ведаў пра Святога Айца, пераможцы якога атрымаюць узнагароды.

Правядзенне конкурсаў ведаў у Нарачы падчас моладзевых сустрэчаў ужо стала тут добрай традыцыяй. Касцёл і Другі Ватыканскі Сабор, 100-годдзе з дня нараджэння кардынала Казіміра Свёнтка, 500-годдзе з дня нараджэння славутай кармэліткі св. Тэрэзы Вялікай, каталіцкія місіі — гэтым тэмам былі прысвечаны конкурсы ведаў у нарачанскай парафіі.

Нарачанскія «Андрэйкі» — гэта не толькі вясёлая забава, але і магчымасць паглыбіць свае рэлігійныя веды і духоўна ўзбагаціцца.

Парафія св. апостала Андрэя ў аг. Нарач запрашае моладзь Мядзельскага дэканата на «Андрэйкі» і жадае, каб час духоўнай падрыхтоўкі да гэтага свята стаў для кожнага маладога чалавека магчымасцю больш даведацца пра сённяшняга наступніка святога апостала Пятра (матэрыялы для падрыхтоўкі да конкурсу ведаў ТУТ>>>).

Праграма сустрэчы:

  • 17.00 — св. Імша
  • 17.45 — конкурс ведаў пра папу Францішка
  • 18.00 — пачастунак (паўнавартасная вячэра)
  • 18.30 — дыскатэка з забаўляльнай праграмай
  • 21.00 — узнагароджанне пераможцаў конкурсу ведаў
Абноўлена 12.11.2018 15:13
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.