У Вострай Браме ў Вільні пройдуць Дні супольнай малітвы для вернікаў розных нацыянальнасцяў, у тым ліку з Беларусі.
Святая Імша з удзелам вернікаў з Беларусі адбудзецца 17 лістапада ў 15.00 у касцёле св. Тэрэзы (побач з капліцай цудатворнага абраза Маці Божай Вастрабрамскай). Эўхарыстыю ўзначаліць арцыбіскуп Тадэвуш Кандрусевіч, Мітрапаліт Мінска-Магілёўскі.
На супольную малітву запрашаюцца вернікі з усіх дыяцэзій Беларусі.
Імша будзе трансліравацца на «Радыё Марыя» ў 16.00 па мінскім часе.
Сёлета Дні супольнай малітвы і адпустовыя ўрачыстасці Апекі Найсвяцейшай Панны Марыі, Маці Міласэрнасці адбываюцца ў Вострай Браме з 10 па 19 лістапада.
