Рэлігійная каталіцкая місія св. Францішка Сальскага арганізуе пры парафіі св. Яна Хрысціцеля ў сталічным мікрараёне Серабранка (вул. Пляханава, 28-1) бясплатную юрыдычную кансультацыю.
З увагі на вялікую зацікаўленасць, выкліканую першым досведам такога сацыяльнага служэння, будзе праведзена паўторная бясплатная юрыдычная лекцыя, прысвечаная жыллёвым пытанням.
Лекцыя адбудзецца 29 кастрычніка ў 18.30 у касцёле св. Яна Хрысціцеля ў кабінеце № 2.
На бягучы момант надзённыя пытанні, звязаныя з жыллём, узнікаюць практычна ў кожнай сям’і. Перадусім людзей хвалююць пытанні, звязаныя з камунальнымі плацяжамі, купляй/продажам нерухомасці (кватэр, пакояў, дамоў і г.д.), высяленнем з кватэры (пакоя) або засяленнем, арэндай, атрыманнем у спадчыну нерухомасці, паляпшэннем жыллёвых умоваў.
У лекцыі будуць асветлены найбольш актуальныя пытанні ў жыллёвай сферы. Пасля лекцыі прадугледжана магчымасць індывідуальнай размовы са спецыялістам.
Дадатковая інфармацыя па тэлефоне: +375 44 744 56 44
(тэлефанаваць у працоўныя дні з 10.00 да 16.00).
Кансультацыя па тэлефоне не ажыццяўляецца.
