Аб’яўляецца новы набор слухачоў на курсы сямейнага жыцця пры Канферэнцыі Каталіцкіх Біскупаў у Беларусі.
Мэта курсаў — падрыхтоўка сямейных дарадцаў, якія могуць дапамагаць пры парафіі, у падрыхтоўцы сямейных пар да сакрамэнту сужэнства, а таксама ў сямейнай кансультацыі.
Час навучання — тры гады. Навучальныя сесіі — адзін раз на месяц; зазвычай — кожная трэцяя субота і нядзеля месяца. Месца навучання — цэнтр «Карытас» Мінска-Магілёўскай архідыяцэзіі (Мінскі р-н, в. Ляскоўка, вул. Карытас, 1 — праезд з боку Бараўлянаў).
Пасля заканчэння курсаў сямейнага жыцця слухач атрымлівае дыплом, які з’яўляецца падставай для выканання функцыі сямейнага кансультанта пры парафіях, а таксама дыплом аб заканчэнні курсу І ступені для выкладчыкаў натуральнага планавання сям’і ў вобласці сімптатэрмальнага метаду.
Кваліфікацыйная размова для кандыдатаў адбудзецца 8 верасня з 16.00 да 18.00 у мінскім касцёле св. Сымона і св. Алены (падземны паверх).
На размову неабходна прадставіць дакументы:
- заява аб прыняцці на курсы сямейнага жыцця
- кароткая аўтабіяграфія
- рэкамендацыя пробашча
- 2 фота (3х4)
- ксеракопія пасведчання аб сярэдняй або вышэйшай адукацыі
- ксеракопія пашпарта
Кантактны тэлефон:
+375 44 759 45 25 — а. Сяргей Трысцень OCD
