13 і 14 жніўня ў Мінску адбудзецца цэнтралізаваны прыём дакументаў і другі тур уступных экзаменаў для кандыдатаў на першы год навучання ў вышэйшых духоўных семінарыях.
Па выніках першага туру ўступных экзаменаў, які прайшоў 18 ліпеня, на першы год навучання ў вышэйшых духоўных семінарыях у Гродне і ў Пінску было залічана 7 кандыдатаў.
Прыёмная камісія, у склад якой уваходзяць адказныя за фармацыю духавенства прадстаўнікі ўсіх беларускіх дыяцэзій, працуе ў будынку Канферэнцыі Каталіцкіх Біскупаў у Беларусі па адрасе: г. Мінск, вул. Кальцова, 153. Менавіта тут 13 жніўня чакаюць кандыдатаў для падачы дакументаў, а 14 жніўня — на ўступныя экзамены.
Падчас уступнага экзамену кандыдат павінен паказаць свае веды па асноўных тэмах са Святога Пісання, Катэхізіса, гісторыі Касцёла, гісторыі Касцёла ў Беларусі, дыяцэзіі, актуальнага жыцця Каталіцкага Касцёла.
Папярэдні запіс кандыдатаў адбываецца ў адпаведных структурах дыяцэзій, адкуль яны паходзяць:
Віцебская дыяцэзія
тэл.: +375 (29) 884 54 82 — кс. Мікалай Ціхановіч
Гродзенская дыяцэзія
тэл.: + 375 (15) 277 02 34 — кс. Андрэй Лішко
Мінска-Магілёўская архідыяцэзія
г. Мінск, вул. Рэвалюцыйная, 1а з 10.00 да 17.00 (акрамя нядзеляў і ўрачыстасцяў); тэл.: +375 (29) 553 90 76 — кс. Дзмітрый Пухальскі;
Пінская дыяцэзія
з 10.00 да 17.00 (акрамя нядзеляў і ўрачыстасцяў): г. Пінск, вул. Леніна, 16; тэл.: +375 (16) 565 41 45; +375 (25) 604 41 86; +375 (29) 727 31 98.
Папярэдні запіс працягваецца да 13 жніўня.
Кандыдаты ў семінарыю павінны прадставіць наступныя дакументы:
- Уласнаручна напісаная заява аб прыняцці ў семінарыю з матывацыяй свайго рашэння.
- Уласнаручна напісаная аўтабіяграфія.
- Атэстат аб сярэдняй адукацыі альбо дыплом аб заканчэнні іншай навучальнай установы.
- Сертыфікаты трох ЦТ (цэнтралізаванага тэсціравання): 1. беларуская / руская мова; 2. замежная мова; 3. гісторыя Беларусі / сусветная гісторыя / грамадазнаўства.
- Пасведчанне аб хросце.
- Пасведчанне аб канфірмацыі.
- Пасведчанне аб удзеле ў катэхезе.
- Характарыстыка ад пробашча; запоўненая анкета і дадзеныя кандыдата.
- Характарыстыка ад катэхета.
- Медыцынская даведка для паступлення ў ВНУ (форма №1 здр/у-10).
- Пашпарт і яго ксеракопія (старонкі 31–33).
- Ваенны білет або прыпісное пасведчанне (яго ксеракопія).
- 4 фотаздымкі (3х4 см).
Кандыдат павінен быць практыкуючым католікам (не менш за тры гады) і валодаць неабходнымі якасцямі для будучага святарскага служэння.
Адказны за прыём дакументаў — кс. маг. ліц. Павел Эйсмант, тэл.: +375 (33) 687 19 53
