Вышэйшыя духоўныя семінарыі ў Гродне і Пінску распачынаюць прыём кандыдатаў на 2018–2019 навучальны год.
У сувязі з гэтым старшыня Камісіі па справах фармацыі семінарыстаў і святароў пры Канферэнцыі Каталіцкіх Біскупаў у Беларусі біскуп Аляксандр Яшэўскі SDB паведамляе, што працэс падрыхтоўкі да святарства паводле новай праграмы Касцёла Ratio Fundamentalis Institutionis Sacerdotalis ад 8 снежня 2016 года працягваецца 7 гадоў і ўключае ў сябе інтэгральную фармацыю: чалавечую, духоўную, інтэлектуальную і душпастырскую.
Семінарыя як вышэйшая навучальная ўстанова Рыма-Каталіцкага Касцёла дае неабходныя веды і развівае якасці, патрэбныя для плённага служэння людзям і Касцёлу як святара. У працэсе падрыхтоўкі семінарысты ўзрастаюць у веры, будуючы фундамент духоўнага жыцця праз розныя аскетычныя практыкаванні, і пазнаюць сябе як чалавека на розных узроўнях; вывучаюць філасофскія і тэалагічныя прадметы, а таксама замежныя мовы і дапаможныя дысцыпліны. Акрамя духоўнага фармавання і інтэлектуальнай падрыхтоўкі, прадугледжана літургічная практыка ў парафіях. Пасля заканчэння 7-гадовай фармацыі кандыдат мае права звяртацца да біскупа з просьбай удзяліць яму сакрамэнт пасвячэння.
Уступны экзамен
Прыём дакументаў і ўступны экзамен для кандыдатаў з усіх дыяцэзій адбудзецца ў два туры па адрасе: г. Мінск, вул. Кальцова, 153.
- 1-ы тур: 17.07 — прыезд і падача дакументаў; 18.07 — экзамен;
- 2-і тур: 13.08 — прыезд і падача дакументаў; 14.08 — экзамен.
Падчас уступнага экзамену кандыдат павінен паказаць свае веды па асноўных тэмах са Святога Пісання, Катэхізіса, гісторыі Касцёла, гісторыі Касцёла ў Беларусі, дыяцэзіі, актуальнага жыцця Каталіцкага Касцёла.
Прыём дакументаў
Адказны за прыём дакументаў — кс. маг. ліц. Павел Эйсмант, тэл.: +375 (33) 687 19 53
Рэктарат семінарыі ў Гродне:
па папярэднім запісе 9 ліпеня – 13 жніўня, тэл.: + 375 (15) 277 02 34 (кс. Андрэй Лішко).
Мінска-Магілёўская архідыяцэзія:
па папярэднім запісе 9 ліпеня – 13 жніўня з 10.00 да 17.00 (акрамя нядзеляў і ўрачыстасцяў): г. Мінск, вул. Рэвалюцыйная, 1а; тэл.: +375 (29) 553 90 76 (кс. Дзмітрый Пухальскі).
Віцебская дыяцэзія:
па папярэднім запісе 9 ліпеня – 13 жніўня, тэл.: +375 (29) 884 54 82 (кс. Мікалай Ціхановіч).
Рэктарат семінарыі ў Пінску:
9 ліпеня – 13 жніўня, з 10.00 да 17.00 (акрамя нядзеляў і ўрачыстасцяў): г. Пінск, вул. Леніна, 16; тэл.: +375 (16) 565 41 45; +375 (25) 604 41 86; +375 (29) 727 31 98.
Кандыдаты ў семінарыю павінны прадставіць наступныя дакументы:
- Уласнаручна напісаная заява аб прыняцці ў семінарыю з матывацыяй свайго рашэння.
- Уласнаручна напісаная аўтабіяграфія.
- Атэстат аб сярэдняй адукацыі альбо дыплом аб заканчэнні іншай навучальнай установы.
- Сертыфікаты трох ЦТ (централізаванага тэсціравання): 1.беларуская / руская мова; 2. замежная мова; 3. гісторыя Беларусі / сусветная гісторыя / грамадазнаўства.
- Пасведчанне аб хросце.
- Пасведчанне аб канфірмацыі.
- Пасведчанне аб удзеле ў катэхезе.
- Характарыстыка ад пробашча; запоўненая анкета і дадзеныя кандыдата.
- Характарыстыка ад катэхета.
- Медыцынская даведка для паступлення ў ВНУ (форма №1 здр/у-10).
- Пашпарт і яго ксеракопія (старонкі 31–33).
- Ваенны білет або прыпісное пасведчанне (яго ксеракопія).
- 4 фотаздымкі (3х4 см).
Кандыдат павінен быць практыкуючым католікам (не менш за тры гады) і валодаць неабходнымі якасцямі для будучага святарскага служэння.
Па ўсіх пытаннях звяртацца да куратара кс. маг. ліц. Паўла Эйсманта па тэл.: +375 (33) 687 19 53
